【LOVE PAPA】催淚注意 爸爸你要保重身體

慶祝父親節，不外乎食個大餐，但食之前，真係要好好了解吓爸爸嘅身體狀況呀！片入面嘅姊妹，爸爸經歷小中風後不幸再中風，好彩得到及時治療，而家已經好番，可以一家人共聚天輪。

梁達智醫生同黃秉康醫生提醒大家，發生小中風後，有三成機會中風，唔少人因為病徵消失而無求醫，錯過治療機會，美國心臟協會同美國中風協會就建議，如果出現小中風，患者應該喺24小時內，服用雙重降血小板藥物，當然啦，如果本身有心血管毛病、糖尿病等等，就一定要好好控制膽固醇嘅水平喇！